Экологиялық мәселелер ешқашан дәл бүгінгідей аса маңызды немесе шұғыл болған емес.

Күннен күнге өсіп келе жатқан тұтынушылық, индустрияландыру және урбанизация біз өмір сүріп отырған қоршаған ортаның тұрақтылығына ғана емес, бүкіл әлемдегі адамдардың денсаулығына қауіп төндіруде. 

Біз препараттарды өндіру үшін жыл сайын миллиардтаған литр суды және энергия мен ресурстарды қолданамыз. Әсіресе көлік тасымалында біздің COэмиссияларымыз әлі де артуда.

Біз жүздеген миллион флакондар мен инъекциялық қаламдарды мұқтаж адамдарға таратамыз, және біздің өмірді құтқаратын препараттарымызға деген сұраныс өсуде. Біздің өнімдеріміз жоғары сапалы материалдардан жасалады, бірақ қолданғаннан кейін олардың көпшілігі қоқыс полигонына түседі.

Бұл бізді ең үлкен экологиялық мәселелердің алдыңғы қатарына шығарады: климаттың өзгеруі, су мен ресурстардың тапшылығы, ластану және пластикалық қалдықтар.

Жетекші болу үшін және өзгерістердің алдыңғы қатарында орын алу үшін біз бүкіл компания бойынша экологиялық мәселелерді шешуге батыл әрі кең тәсілді қолдандық.

Біз қоршаған ортаға мүлдем әсер тигізбеу ұмтылысымен жаңа экологиялық стратегияны қабылдадық.

Біздің стратегиямыз бізден қайта өңдеуге немесе қайта пайдалануға болатын өнімдерді жобалаудың жаңа жолдарын іздеуді, тұтынушылық пен ысырапты барынша азайту үшін бизнес формасын өзгертуді және біздің мақсатымызды ортақ ұстанатын жеткізушілермен жұмыс жасауды талап етеді.

Біз қазірдің өзінде қоршаған ортаға мүлдем әсер етпеу бойынша алғашқы қадамдарды жасап жатырмыз. Бірақ біз әрқашан одан да артығын жасаудың жаңа тәсілдерін іздейміз. Біз бизнесімізді өнімдеріміз бен материалдарымызды қолдануға мүмкіндік беретін айналым ой-өрісіне бейімдегенде жауаптардың келетініне сенеміз. 

Cities Changing Diabetes Copenhagen

Қалалар - бұл климаттың өзгеруіне және 2-типтегі қант диабетіне қарсы күресте жеңіске жету мүмкіндігі. Олардың екеуі де ғаламдық жылынуды күшейтетін және аурушаңдықты арттыратын адам мінез-құлқының ұқсас модельдеріне ие.

Бүгінгі күні біз білім беру және жергілікті араласу арқылы аурулардың алдын-алуды жетілдіру мақсатында әлемдегі 25 ірі қаладағы серіктестермен жұмыс істеп жатырмыз. 

Бұл серіктестіктер біздің «Қалалар диабетті өзгертеді» атты бағдарламамыздың бір бөлігі болып табылады. 2015 жылдан бастап «Қалалар диабетті өзгертеді» бағдарламасы 2-типті қант диабетінің өсіп келе жатқан мәселелерін шешу және неғұрлым сау қоршаған ортаны құру үшін көптеген мүдделі тараптарды жұмылдыра отырып, өз алдына әлеуметтік қозғалысқа айналды.

Қалада тұратын адамдардың денсаулығын мен әл-ауқатын қалай жақсартатынымыз туралы толығырақ мәлімет алыңыз.